Водителката Нора Шакири не е единствена што е незадоволна од одлуката на партиското раководство на СДСМ партијата да му се најде на новинарот што даде остаква за да ѝ се најде на партијата, Мухмед Зекири. Во интервјуто за „Нова ТВ“ Заев лично потврди дека на Зекири „му дале плата за да не му ги оставеле децата гладни откако се охрабрил и ја напуштил работата за да помогне“.
Водителката и истакната опозициска активистка Нора Шакири јавно го праша опозицискиот лидер Зоран Заев зошто е помалку вредна од Мухамед Зекири. На нејзиниот пост одговори Заев, но тоа предизвика голем револт кај другите опозициски активисти, кои сметаат дека е неправда за другите невработени членови.
„Не разбирам или не сакам или не можам да разберам…ЗЗ вели дека на Мухи му помогнал бидејќи останал без работа т.е дека баталил новинарство за да помогне да го бутне режимов..ОДЛИЧНО..Немам ништо против одлуката на СДСМ Мухи да е дел од СДСМ, сосема е ОК…Ја еве 4 години сум без работа, примања 0, зборувањето ГЛАСНО ме остави на улица, ме издигаа на клоци, ми ја затворија секоја можна врата и ми удрија во фамилија…ДА МЕ ЗГРИЖИ НЕКОЈ ИМА?? М?? Имам схколо, искуство, познанства… Доволно е?“, напиша Шакири.
На ваквата прозивка одговори првиот човек на СДСМ, Зоран Заев, кој напиша дека не знаел дека таа има потреба од ангажман и работа, и ја повика на кафе кај него во партија, бидејќи Нора „требало само да спомене“.
„Секогаш можеш да сметаш на СДСМ. Требало само да споменеш. Можело директно да ми кажеш или, пак, преку некој. Како би можел јас да знам дека Нора Шакири има потреба од ангажман и работа. Повели Нора на кафе кај мене во партијата“, напиша Заев.
Откако одговори Заев, на полемиката со свое мислење се јавија и други опозициски медиумски перјаници, но и партиски активисти. Критики за политиките на Заев отворено стигнаа и од опозицискиот колумнист Ивор Мицковски и некогашниот претседател на градската организација на социјалдемократите и близок пријател на екслидерот на СДСМ, Бранко Црвенковски, Љупчо Палевски.
Најистурените медиумски играчи на Заев почнаа дури да и се закануваат и да ја навредуваат Шакири за нејзината полемика со лидерот на СДСМ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Ивор Мицковски: Како го преполовивте загадувањето на зборови, просто неверојатно!
-
Ивор Мицковски: Убаво се поклопи Денот против насилство врз жената, со партиското насилство врз жена која сакала да воведе ред во една институција
-
Заев: Размислуваме за законска измена за справување со кучињата
-
Мицковски: Првичната цена 400, сега 600 милиони и ти вика дека заштедиле 100
