Хан, Ховит, Вајгл и Кукан на разговори за Македонија во Стразбур

Еврокомесарот за проширување Јоханес Хан денеска во Стразбур се сретнал со тројцата европратеници Ричард Ховит, Иво Вајгл и Едвард Кукан со кои разговарал за политичката состојба во Македонија.

Тој по средбата, на својот твитер-профил потсети на потребата од веродостојни избори.

„Стразбур: Убав муабет со Ричард Ховит, Иво Вајгл и Едвард Кукан за развојот на настаните во Скопје. Кредибилни избори се клучот за враќање на земјата на евроатланскиот пат на реформи“, напиша Хан.

Тројцата европратеници и еврокомесарот Хан беа посредници во постигнување на договорот од Пржино помеѓу лидерите на четирите најголеми политички партии.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.