Мизо: Преговараме со повеќе компании што се заинтересирани и сакаат да инвестираат во Македонија

Преговараме со повеќе компании што се заинтересирани и сакаат да инвестираат во Македонија, вели директорот на Дирекцијата за технолошки индустриски развојни зони, Виктор Мизо, кој гостува во „Отвореното студио“ на ТВ „Нова“.

-Компаниите што веќе се инвеститори ни помагаат да ги привлечеме или „нападнеме“ тие што сакаат да инвестираат. Во моментот преговараме со повеќе компании, поголем број се дел од автомобилската индустрија – вели Мизо.

Тој додава дека веќе имаме покриеност со извозот и увозот околу 70 проценти, што е значајно за една мала земја.

– Тоа е зголемување за околу 10 проценти. Многу е тешко да се направи 100 процентна покрисеност, но многу напредуваме – вели Мизо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.