Ни после 16 години од убиството на Жељко Ражнатовиќ Аркан не стивнува интересирањето за неговиот живот со Светлана Ражнатовиќ Цеца.
Михајло Улемек, поранешен полковник на српската доброволна гарда, изнел за белградскиот печат некои шокантни тврдења за нивниот живот.
Според него, првата средба на популарната пејачка и контраверзниот воен командант не укажувала дека тоа е вовед во свадбата на векот, како српските медиуми што ја крстиле.
-Цеца во 1993 или 1994 година ја доведе Оливер Мандиќ да пее на свадба на еден наш војник. Кога ја виде, Жељко напрви нешто што не личеше на него. Таа му пружи рака да се поздрават, а тој не и го возврати поздравот. Само искоментира:Што ми ја носиш оваа проститутка!Аркан инаку ги почитуваше жените- вели поранешниот полковник.
Улемек нема убави зборови ни за семејството на пејачката. Тврди дека пејачката го молела да ја пофали кај Аркан.
-Беше тоа во Бања Лука, на промоција на Странката на српското единство. Затропа на мојата врата и во краткиот разговор ме замоли да ја пофалам кај Аркан. Јас ја одбив. После неколку месеци отидов кај Аркан. Тој ме одведе во студиото каде Цеца снимаше песни. После му седна во скут. Кога останавме сами го прашав: Од кога си со неа?Аркан ми рече:Ќе има и свадба. И навистина и тоа каква свадба. Кога отидовме во Житораѓе, ја видов нејзината куќа. Жељко после испрати луѓе да ја средат, за да не се бламира. А дали знаете дека мајка и на Цеца, Мира, вгради силикони во исто време кога и ќерката – тврди поранешниот полковник.
Татковиот карактер го наследил и синот на Жељко, Михајло.
-Го знам Михајло. Заедно војуваваме. А ја знам и Цеца. Што и да има меѓу нив, тврдам дека Михајло е во право. Таа им украде се на другите деца на Аркан.
Тој тврди дека тестаментот со кој Цеца доби се, не го направил Жељко.
-Аркан не размислуваше за смртта и за тестамент. Цеца после неговата смрт два дена беше затворена во вилата заедно со нејзините соработници, за да после 40 дена се појави тестамент. Со него Цеца доби 100 килограми злато и 22 или 23 милиони франци од Обилиќ. На државата и врати милион, а другото и остана на неа. И пријдов по погребот и реков дека би било фер на децата на Аркан да им подели по пола милион марки, но таа тогаш рече: Нема ништо да им дадам- тврди Улемек.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
