Се судрија амбулантно и товарно возило, новороденче почина на Ургентен

Страшна сообраќајна несреќа се случи во 17 часот и 50 минути на магистралниот пат Штип-Радовиш, во близина на селото Лакавица, штипско. Според податоците од полицијата, автомобил марка „Фиат Добло“ со струмички регистарски ознаки, сопственост на ЈЗУ Општа болница Струмица, управувано од страна на 58-годишниот Љ.Ч. кој бил со В.Т.(30) С.С.(53) и новородено бебе од 39-годишната Е.У. се сдурило со тешко товарно возило „Ман“ со радовишки регистарски ознаки, управувано од 27-годишниот М.Т. од Трстеник, кавадаречко.

Како сопатник во возилото бил 42-годишниот В.Н. од селото Нов Караорман, штипско.

Во незгодата, сопатничката од автомобилот С.С. се здобила со скршеница на носна коска, а новороденчето со возило на Брза помош е пренесено во Клинички центар Скопје, каде во 01 часот подлегнало на повредите.

Увид на местото на настанот извршила увидна екипа од полицијата во Штип и јавен обвинител.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.