Најмногу дожд во изминатите 12 часа наврнало во Крива Паланка, каде се измерени 45 литри на метар квадратен, соопшти Управата за хидрометеоролошки работи.
Во Виница наврнале 14, во Пожар 13, во Скопје-Петровец 7 и во Тетово и Пожаране шест литри на метар квадратен. Во Битола наврнале пет, во Скопје-Зајчев Рид четири, во Лазарополе два и во Демир Капија и Ѓуриште по еден литар на метар квадратен.
Како што информира УХМР, нестабилно со дожд и грмежи е во Гевгелија, Струга и во поширокото подрачје во Струмичката котлина, како и во планинските подрачја на западна Македонија и над Беласица.
Во текот на ноќта се уште ќе има локален дожд со појава на грмежи и засилен ветер, особено во северните и источните делови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
