Репрезентациите на Србија и САД ќе ги одмерат силите во големото олимписко финале во Рио де Жанеиро.
Американските кошаркари ја оправдаа фаворитската улога во полуфиналето против Шпанија, победувајќи со 82:76 за пласман во финалето на ОИ што се одржуваат во Рио де Жанеиро. Иако Шпанците одиграа одличен натпревар, сепак и тоа беше недоволно за сензација против „дрим – тимот” на САД, кој имаше резултатска контрола од почеток до крај.
Вториот полуфинален дуел го доби репрезентацијата на Србија, совладувајќи ја убедливо Австралија со 87:61. Со оваа победа, нашиот северен сосед избори ново финале со репрезентацијата на САД, откако и пред две години играа за златниот медал на СП во Шпанија, каде што Американците беа убедливи со 129:92.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
