Наместо со свеченост, војската го прославува Денот на АРМ со максимална ангажираност и пожртвуваност на терен, помагајќи во поплавените подрачја и обезбедувајќи ја јужната граница.
Од ГШ на АРМ соопштуваат дека стотици нејзини припадници, 24тиот роденден на АРМ ќе го одбележат обезбедувајќи ја јужната државна граница, но и неуморно ангажирајќи се во справување со последиците предизвикани од поплавата во скопскиот регион.
На довербата се возвраќа со пожртвуваност. Армијата на Република Македонија, благодарејќи на несебичниот и професионален ангажман на своите припадници кои со љубов кон татковината, лојалност, одговорност и посветеност ги извршуваат поставените задачи, ја докажува својата цврстина во моментите кога тоа е најпотребно и кога тоа се бара од неа, се вели во соопштението.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
