И слепите лица со помош за настраданите од поплавите

Членовите на Националниот сојуз на слепи лица од Република Македонија изразуваат сочувство за семејствата на жртвите од големото невреме кое го зафати Скопје.

Тие ја покажуваат хуманоста и велат дека во рамки на своите финансиски можности ќе помогнат со снабдување на неопходните работи како вода, храна, пелени и друго.

-Сето она што го даваме, е дадено од срце и веруваме дека иако е скромно ќе биде од големо значење за настраданите. Изразуваме сочувство за настраданите. На повредените им посакуваме што побрзо да закрепнат и да ја заборават оваа катастрофа. Апелираме и до другите национални сојузи да ја покажат својата хуманост и да помогнат, изјави Жарко Селковски претседател на Сојузот на слепи лица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.