Претседателот на СДСМ Зоран Заев кој денеска ги поседи скопските населби најпогодени од завчерашното невреме, апелира секој од граѓаните да им помогне на локалните жители со она што може – вода, храна, хигиенски средства, пари,…
Не е време, нагласи Заев, ниту за критики, ниту за какви било други активности или сликање, туку е време за конкретна помош на населението.
– Општинските институции на Куманово, Струмица и Центар ги ставаат своите ресурси целосно на располагање на државниот штаб, на штабот на градот Скопје и штабот на општина Гази Баба, во функција на координирано и организирано помагање. Сите наши активисти од СДСМ кои се овде, со алатки за помагање ќе се распределат денеска во две групи, во Сингелиќ и во Стајковци. Продолжуваме утре во Булачани, Црешево и на други места. Дојдовме со неколку специјализирани возила за испумпување вода и со технички води од противпожарните станици, тоа се десетина возила. Дојдовме со донаторска помош, вода и прехранбени продукти кои ќе бидат поделени овде во регионот, нагласи Заев.
Лидрот на СДСМ потенцира дека се работи за искусни луѓе кои ги знаат точните локации за помош и се работи на конкретно испорачување пакети во погодените домови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
