Републиканскиот кандидат за претседател Доналд Трамп не е способен да ги извршува претседателските обврски и не престанува тоа да го докажува, изјави претседателот на САД, Барак Обама.
Според него, Трамп не е доволно квалификуван за да биде шеф на државата и е „подготвен на се најлошо само да ја заземе оваа функција“.
Ваквото мислење Обама го истакна на заедничката прес-конференција со премиерот на Сингапур, Ли Сјан Лун по нивната средба во Белата куќа.
Тој нагласи дека не може да сфати како републиканските лидери можат и понатаму да го поддржуваат Трамп.
– Порано или подоцна републиканците треба да признаат дека Трамп не е човекот кој треба да се поддржи како кандидат за претседател од оваа партија, изјави Обама.
Шефот на американската држава објасни дека неговото мислење за Трамп било потврдено за време на јавниот спор на милијардерот со родителите на американски војник муслиман, кој загинал во војната во Ирак.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
