Песокот и морската вода за поубава кожа

Морската вода помага при акни и лузни

Солта е одлично средство за чистење.Натриум хлоридот во морската вода помага да ја исчистиме кожата и има моќ да помага при акни. Наместо третманот со тешки хемикалии и козметика, во летната сезона испробајте ги природните својства на морската вода.

Солената вода делува како природен шампон

Дали сте забележале дека косата ви е многу сува по излегувањето од водата? Тоа е затоа што солта во морската вода ги отстранува вишокот на маснотии од косата.Ако страдате од прекумерно мастење на кожата, морските бранови се одличен начин да си помогнете. Исто така, капењето во солената вода ја прави косата со поголем волумен и ја чисти од слоевите со хемикалии од балсами, спрејови и други производи со кои ја третираме косата секојдневно. Првут? Решението е исто – потопете се во морска вода, бидејќи таа дејствува како пилинг за скалпот. Очигледно е дека на плажа, песокот е насекаде. Ние одиме по него, играме со него, лежиме на него. Плажата е своевиден спа-центар.

Песокот е природен пилинг

Дали сте забележале дека кога си одите од плажа, стапалата ви се навистина меки и чисти? Тоа е затоа што прошетката по песокот делува како природен пилинг за кожата. Колку повеќе ситен е песокот, толку подобро. Не е препорачливо сепак да ја третирате кожата на лицето. Подобро користете го за рацете и нозете. 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.