Мурињо откри како го убедил Ибрахимовиќ да му се приклучи во Јунајтед

Жозе Мурињо говореше на повеќе теми за време на своето обраќање кое го имаше за медиумите во Азија во пресрет на интернационалниот куп, но покрај изјавата за Погба, тој откри и како го натерал Ибрахимовиќ да му се приклучи во Јунајтед.

Златан долго молчеше и ги изигруваше новинарите пред да соопшти дека и официјално се преселува на „Олд Трафорд“. Но Мурињо откри како го убедил Ибрахимовиќ му се приклучи и повторно да соработуваат каков што беше случајот во Интер.

– Ако мислите дека не можете, се одлучувате да одите во Америка, Кина, или да останете уште една сезона во Франција. Ибра го сакаше овој предизвик. Кога му кажав дека имам титули во Англија, Шпанија и Италија, а тој има во Шпанија, Италија и Франција, ми кажа дека сака да дојде. Ми кажа дека сака да има титули секаде. Неговата мотицација е огромна, а неговото тело е подготвено за овој предизвик во Премиер лигата, – изјавил Мурињо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.