Во кумановско Ново Село, на регионалниот пат Скопје – село Никуштак-Куманово, во близина на „Икина викендица“ вчера во 22.15 часот се случила сообраќајна несреќа во која 16-годишник од кумановското село Љубодраг управувајќи „ауди А-4 авант“ со скопски регистарски ознаки, сопственост на Р.А. од Скопје, изгубил контрола над возилото, излетал од патот и се превртел.
По незгодата, сопатникот од возилото, 14-годишник од Горња Радгона, Словенија, е пренесен во Ургентниот центар во Куманово и констатирани му се тешки телесни повреди на череп, опасни по живот,. По укажаната лекарска помош како итен случај е упатен во Ургентниот центар Скопје.
Увид на местото на настанот е извршен од екипа при СВР Куманово. По претходно добиено овластување на јавен обвинител од Куманово, од малолетниот возач е земена крв за анализа и констатирано е присуство на 0,56 промили алкохол во крвта.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
