Пробиштип привлекува странски компании: 20 хекрати за „Купи куќа за млади“, 300 работни места во леарницата

За проектот „Купи куќа за млади“ разговаравме за површина од 20 хектари, за урбанизација на околу 350- 400 парцели, изјави градоначалникот на Општина Пробиштип Тони Тоневски на денешниот состанок.

-Во делот на индустриските зони, резултатите во Пробиштип се одлични. Во едната зона во градот веќе работат дестина компании во кои се ангажирани околу 700 лица. Во втората зона 2 локации се веќе продадени, а паралелно сe работи на решавање на имотно-правните аспекти за уште една. Истовремено, покрај овие зони веќе се градат капацитетите на Леарницата, странска инвестиција од 22 милиони евра и вработување на 300 лица. Компанијата веќе почна постапки за вработување и се очекува до нова година да почне со пробно производство, рече Тоневски.

Тоневски нагласи дека тоа е значајна инвестиција за Пробиштип која отвори и дополнителен интерес од други странски компании.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.