Велешанка загинала, сопругот повреден во несреќа со трактор

Велешанка загина, а нејзиниот сопруг е повреден во несреќа со трактор што се случила вчера наутро околу 8 часот, во велешкото село Раштани.

Случајот во полиција го пријавила екипа на Итната медицинска помош, која интервенирала.

Тракторот марка „ИМТ 539“ со велешки регистарски таблици се превртел, а во несреќата на местото починала шеесет и четиригодишна жена, а нејзиниот сопруг, исто така, на шеесет и четиригодишна возраст, се здобил со телесни повреди.

Увид на местото на настанот извршиле екипа од СВР-Велес и ЈО по чија наредба телото на починатата ќе биде дадено на обдукција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.