Русија се пофали со проектилите јарс и топол-М на голема воена вежба (Видео)

Неколку стотици воени возила, вклучувајќи ги мобилните комплекси за интерконтинентални балистички проектили, учествуваат во големите теренски вежби во Русија, на кои се вежба контра-саботажа и се изведуваат симулации на лансирање, јавуваат руските медиуми.

Околу 400 воени возила, меѓу кои автономните ракетни лансери топол, топол-М и јарс, придружувани од командни постови, безбедносни возила и комплекси со дронови и борбени роботи учествуваат во вежбите, соопшти руското министерство за одбрана.

Русија ги покажа интерконтиненталните проектили јарс и топол-М на голема воена вежба (ВИДЕО)
Неколку стотици воени возила, вклучувајќи ги мобилните комплекси за интерконтинентални балистички проектили, учествуваат во големите теренски вежби во Русија, на кои се вежба контра-саботажа и се изведуваат симулации на лансирање, јавуваат руските медиуми.

Копнените мобилни системи мора да бидат заштитени во секоја фаза од патролирањето, кое ќе трае цел месец. Воените возила се движат од шумите во европскиот дел на Русија па сѐ до дивините во регионот Алтај.

Екипажите на лансерите на интерконтиненталните балистички проектили вежбаат брзо прераспоредување, тестирање на системот пред лансирање и подготовка на опремата. Фокусот на вежбите се контра-мерките против саботажа.

Екипажите на ракетните системи ќе вежбаат минување низ територии загадени со радијација, одбивање напади од воздух и копно, како и соработка со други трупи на територијата под нивна контрола.

Кулминација на вежбите ќе бидат симулирани лансирања на интерконтинентални проектили, соопшти руското министерство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.