Автомобил излета од надвозникот во Автокоманда

Тешка сообраќајка се случи утрово во Автокоманда во близина на надвозникот кај средното училиште АСУЦ.

Автомобилот најверојатно ја пробил заштитната ограда на надвозникот, излетал и се превртел на покрив на булеварот под надвозникот.

Во несреќата е повреден 38-годишниот возач од Скопје кој бил сам во автомобилот, а по несреќата е префрлен во Ургентниот центар.

Според првичните информации возачот веројатно се обидувал да заобиколи друго возило, изгубил контрола, ја пробил оградата, а при падот соборил и една бандера. Превртеното возило на булеварот, предизвика застој на излезот на Скопје поради полицискиот увид кој се одвиваше утрово.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.