Мартија даде ексклузивно интервју по финалето на Пинковите ѕвездички

Мартија Станојковска во ексклузивно интервју за Пинк.рс, си ја отвара душата по вчерашното суперфинале во кое таа заврши на второто место, а победата ја однесе Марко Бошњак.

Гласот и харизмата, сценските настапи на кои изгледаше како светска дива, ја однесоа Макеоднката до второто место во втората сезона на шоуто. Таа вели дека е возбудена и дека сака да продолжи да се занимава со музика.

– Ова е голем успех за мене, не ни очекував дека ќе стигнам до тука покрај сите таленти. Од сите деца кои дојдоа на аудиција сум втора…тоа е супер. Му честитам и на Марко за победата, заслужена е, изјави Мартија.

Таа за Пинк.рс вели дека сака да сними албум ии понатаму да се занимава со музика.

– Ќе се вратам на танцувањето, ми треба физичка активност. Сакам да се занимавам со музиката, сакам да снимам песни и албум, вели убавата Мартија.

Браво за Макеоднката која ја направи Македонија горда!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.