Ги надмина и нашите Тони и Драган – исландскиот коментатор доби отказ, но не е загрижен!

Исландскиот коментатор во Франција е сензација на Европското првенство, исто колку и неговата репрезентација. Гудмундур Бенедиктсон страствено ги бодри Исланѓаните, качувајќи се по столови, урлајќи при секој гол.

Ништо помалку возбудливо не беше ни синоќа кога Исланд ја победи Англија со 2:1. Бенедиктсон возбудено коментираше во текот на целиот натпревар, но на крајот се надмина себеси.

“You can leave Europe! You can go wherever the hell you want!”

Icelandic commentator after win. Voice of #Euro2016 pic.twitter.com/7EaLD3kV3t

— Gissur Simonarson CN (@GissiSim) June 27, 2016

• Готово е! Готово е! Не одиме дома, никогаш! Го видовте ли ова? Ма, дали го видовте? Немојте да ме будите од овој сон! Исланд ќе игра против Франција в недела! Франција-Исланд! А, вие (Англичани) одите дома! Можете дома, можете и од Европа! Можете каде еб*но сакате! Англија еден, Исланд два. Тоа е конечниот резултат овде во Ница. А, бајката продолжува! – викаше возбудено тој.

Поради неговиот ангажман на првенството, страдаше неговата втора работа како тренер во еден помал клуб во Исланд. Бендиктсон, кој е ѕвезда дома, доби отказ, но сега како и исландската репрезентација, ги собра симпатиите на цела фудбалска Европа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.