Легендарниот италијански актер замина од овој свет со зборовите „ви благодарам“

Италијанскиот актер Карло Педерсоли, познат по уметничкото име Бад Спенсер почина во 86-тата година од животот, јавија италијанските медиуми повикувајќи се на соопштение од семејството.

Тато почина денеска во 18.15 часот во потполн мир. Не патеше, а целото семејство беше со него. Неговите последни зборови беа „Ви благодарам“ – изјави неговиот син Џозеф Педерсоли.

Бад Спенсер е роден на 31 октомври 1929 година во Неапол, а беше познат по улогите во „шпагети вестерните“ кои беа популарни во 70-тите години од минатиот век. Прв голем успех постигна во филмот “They Call Me Trinity”, а во текот на неколку денецинската кариера играше во повеќе од 70 филмови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.