Земјотрес го погоди Истанбул

Земјотрес со интензитет од 4,4 степени според Рихтерова скала го погоди утрово Истанбул и околните реони.

Епицентарот на потресот се наоѓал во Мраморно Море, во околината на градот Јалова.

Земјотресот бил почувствуван и во европскиот и во азискиот дел на Истанбул, а на некои места предизвикал страв и паника меѓу жителите. Засега нема информации за евентуални жртви и причинета материјална штета.

Во текот на оваа недела сеизмолози коментираа дека постои можност да се случи силен земјотрес со интензитет од околу седум степени. Засега не е познато дали денешниот потрес е поврзан со тие прогнози.

Друг послаб земјотрес, со интензитет од 3,1 степен го погоди реонот на Егејско Море и бил почувствуван во Измир и туристичките места.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.