Граѓани и градоначалници се собраа пред судот за поддршка на Талески

На мирен собир пред Кривичниот суд во Скопје се собрани граѓани за поддршка на битолскиот градоначалник Владимир Талески, кому судот му одреди 30- дневен куќен притвор.

Како поддршка за битолкиот градоначалник пред судот се и скопските градоначалници Коце Трајановски, Ивица Коневски и Петре Латиновски, а има и градоначалници од другите градови на земјава. Меѓу нив е и пратеникот Андон Чибишев.

На мирниот собир пристигнуваат граѓани во сѐ поголем број. Тие се распоредени на неколкиу локации околу судовите, во очекување на одлуката на Апелација по жалбата од Талески.

Кривичниот суд во Скопје во петокот определи куќен притвор за Талески откако СЈО ја обжали првичната одлука да му се одземе само пасошот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.