Најмалку 200 вработувања преку нова странска инвестиција

Kомпанија од Северноамериканскиот континент, има интерна одлука да инвестира во Македонија во отворање на кол-центар во кој што ќе вработи најмалку 200 лица во првиот период, а подоцна таа бројка ќе расте. Oва го најави лидерот на ВМРО-ДПМНЕ Никола Груевски при гостувањето во Дневникот на „Сител телевизија“, додавајќи дека инвестицијата му ја најавил министерот Виктор Мизо.

Тоа ќе значи решавање на проблемот на 200 семејства во Република Македонија, 200 семејства кои што немаат вработување и кои што се фрустрирани, кои што се несреќни ќе добијат вработување, ќе добијат сигурни приходи, посигурна иднина, ќе добијат смирување, зошто секој од тие семејства имаат немир во душата и неизвесност за понатаму. Намалувањето, или завршувањето на оваа криза ќе значи уште подинамично носење на инвеститори – рече Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.