Албанија го забрани увозот на месо од Македонија

Албанското министерство за земјоделство соопшти дека го блокира увозот на месо од Македонија.

Министерството информираше дека забраната на увозот на место од Македонија и од некои други земји од регионот е поради појавата на болеста јазлеста кожа кај крупниот добиток.

Министерството и Дирекцијата за ветеринарство во Тирана, во соопштението што го пренесуваат албанските медиуми, не наведува датум до кога ќе биде забраната за увоз на месо.

Инаку, покрај забраната за увоз на месо од Македонија, забрана има и за увоз на месо од Србија, Бугарија, Грција и Турција.

Засега во Албанија, според истиот извор, нема појава на болеста јазлеста кожа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.