Да се избегнува престој на отворено од 11 до 17 часот

Заштита од директна сончева изложеност, избегнување престој на отворено во периодот од 11 до 17 часот, консумирање лесна храна и течности, хигиенски начин на подготовка на храната и избегнување консумација на лесно расиплива храна, се препораките на Министерството за здравство кои вчера ги истакна на интернет страната www.toplotnibranovi.mk.

За хронично болните лица се препорачува редовно да ја земаат пропишаната терапија.

Овие мерки се преземаат по најавените високи температури што ќе ја зафатат Македонија до недела, а ќе се движат во интервал од 35 до 40 степени Целзиусови.

Значителен пораст на температурите се очекува утре и во сабота, кога постои можност целата територија на државата да биде зафатена со температури од портокалова фаза, за што Министерството за здравство најави дека во континуитет ќе информира со соодветни препораки за заштита од топлото време.

Во текот на денешниот ден, само југоисточниот регион ќе биде зафатен со топлотен бран од жолта (алертна) фаза. Овој регион ги опфаќа градовите Гевгелија, Кавадарци, Демир Капија, Штип, Радовиш, Струмица, и околните градови и населени места, каде што се предвидуваат температури повисоки од вообичаените за овој период од годината.

Од Министерството за здравтсво препорачуваат граѓаните да ги почитуваат општите препораки за заштита од високите температури.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.