Пред театар полн со деца Манда, сепак, умре на сцената

Познатиот српски актер Милорад Мандиќ Манда почина денеска на сцена во премиерата на детската претстава „Петар Пан“ во театарот Вук Караџиќ.

Познатиот актер, кој кај балканската публика е познат по бројните улоги во поголем број филмови, меѓу кои и во „Убавите села, убаво горат“ (Лепа села, лепо горе) и „Ивкова Слава“ бил пренесен на Ургентниот центар, но реанимацијата не успеала.

Публиката прво мислела дека се работи за дел од актерската игра, но потоа се спуштила завесата, а луѓето биле замолени да излезат од театарот.

-Претставата започна нормално и се бепе во ред првите 15 минути, а потоа на сцената падна манда, кој го толкува ликот на Капетан Кук. Мислевме дека е таква сцената, а потоа се запалија светилките и сфативме дека нешто не е во ред, раскажува мајка која била со децата на премиерата.

Збунетата публика се уште не сфаќала што се случува кога на сцената истрчала неговата сопруга.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.