Нема шанси да е живо – Алигатор на плажа зграбил и одвлекол 2-годишно дете

Американската полиција трага по 2-годишно дете кое на плажата на хотелот „Дизни“, во близина на Орландо – Флорида, било зграбено и одвлечено од алигатор, соопштиле денес локалните власти.

Инцидентот се случил во 9.20 часот по локално време, пренела американската мрежа „Си-Ен-Ен“.

– Семејството на детето се одморало на песочниот дел од брегот во близина на лагуната Севн Сиз, која е во сопственост на хотелот, и оделе по плиткото на брегот на езерото кога алигаторот го нападнал детето – изјавил шерифот на округот Оринџ, Џери Деминг.

Потрагата по 2-годишното дете сè уште трае, но полицијата наведува дека шансите детето да биде пронајдено живо се многу мали.

– Веќе минаа неколку часа и тажната реалност е дека детето веројатно нема да го пронајдеме живо – додал шерифот Деминг.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.