Тешка сообраќајка на патот Градско-Прилеп

Две лица се тешко повредени во сообраќајна несреќа помеѓу патничко возило „бмв” и трактор, која синоќа се случила на патот Градско-Прилеп меѓу росоманските села Сирково и Камен дол, потврдија за МИА од Службата за итна медицинска помош Кавадарци.

– Во директен судир згмечен бил трактористот од Камен дол, а од силиниот ударот тракторот се превртел и завршил во блискиот ендек. Со животно загрозувачки повреди трактористот е однесен до кавадаречката општа болница, но поради сериозноста на повредите е пренесен на Ургентниот центар во Скопје, информираа од Брзата помош.

Возачот на патничкото моторно возило со битолски регистарски ознаки, инаку жена, се здобила со скршеница, која според Службата за итна помош при Здравствен дом Кавадарци, се карактеризира како тешка телесна повреда.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.