Голема несреќа во Сао Паоло: Возач на автобус изгубил контрола, 15 лица го загубија животот

Најмалку 15 лица загинаа, а 31 е повредено, откако синоќа возач на автобус изгубил контрола над возилото што се движел по гребен во бразилската сојузна држава Сао Паоло, соопштија денеска локалните власти.

Несреќата се случи изминатата вечер, и е предизвикана од магла. Во автобусот имало вкупно 46 патници, од кои повеќето биле ученици, пренесува Танјуг.

Меѓу загинатите е и возачот. Другите настрадани биле ученици од три училишта во градот Мохи дас Крусес.

Автобусот прво преминал на другата лента, а потоа удрил во карпа, по што се превртел и се излизгал по улицата.

Годишниот биланс на жртви од сообраќајните незгоди во Бразил е 43.000.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.