МВР апси во универзитетскиот кампус: Професори од Економскиот факултет паднаа во акцијата „Еразмус“

Вкупно осум лица се осомничени во акцијата, која МВР ја води под кодното име „Ерaзмус“ во акцијата што од утрово се одвивала на Економскиот факултет при универзитетот „Св. Кирил и Методиј“, објави „Прес 24“ повикувајќи се на извори во истрагата.

Како што дознава порталот приведен е професорот Бобек Шуклев, професор на Економскиот факултет, а во моментов се трага по уште седум професори. Полицијата ги сомничи за примање, давање поткуп, противправно псоредување, злоупотреба на склужбена положба и овластувања, и други коруптивни дела.

При претресот неофицијално се најдени пари. МВР неколку години наназад работело на документирање на случајот, бидејќи подолг период се говори и меѓу студентите и меѓу јавноста за незаконското работење на дел од кадарот на Економски факултет. Според првичните сознанија од истрагата лицата имале разработен систем. Се проверува и инволвиураноста и на лица кои работеле во угостителските објекти на факултетот.

Според првичните и се уште неофицијални информации, шестмина од осомничените се професори кои биле вработени на факултетот, а две лица се водат како помагачи.

Според првичните и се уште непотврдени информации, меѓу лицата по кои се трага се наоѓа и еден високо позициониран член на Македонската академија на науките и уметностите (МАНУ), кој инаку е професор на Економскиот факултет.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.