Груевски: Институциите работат на подготовка за исполнување на итните реформски приоритети

Државните институции се целосно фокусирани на првите предлози кои треба да дојдат и како пакет во наредните денови и недели во делот на исполнување на итните реформски приоритети согласно барањето на извештајот на Европската Унија или наречен Извештајот на Прибе, истакна денес лидерот на ВМРО-ДПМНЕ Никола Груевски одговарајќи на новинарско прашање.

-Во повеќе области, тргнувајќи од областа судство, медиуми, администрација, областа безбедност и повеќе други, институциите со полна фокусираност, со сите капацитети работат да ги подготват првите чекори, драфтови и се она што е потребно за да се апочне еден процес на исполнување на овие барања кои генерално ќе бидат добри и за Република Македонија заради заканување на државата и институциите во истата, посочи Груевски кој додаде дека по нивното изготвување ќе бидат споделени со домашни и меѓународни експерти поради нивно дооформување.

Лидерот на ВМРО-ДПМНЕ потенцираше дека ќе бидат вклучени сите оние кои можат и треба да бидат инволвирани во разгледувањето на овие проекти.

-Ќе има еден процес на инклузивност кон опозицијата доколку таа тоа го сака, да може да биде вклучена да даде свое мислење, да има дијалог, дебата. Институциите се во длабока фаза на подготовка на поголем број законски измени, одлуки, мерки, чекори кои треба да се направат, заклучи Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.