Полицијата го заплени шареното комбе на СДСМ, со кое хулиганите ги превезуваат бомбите за сквернавење на спомениците

Вечерва на раскрсница од ул.11 Октомври и ул.Кочо Рацин, од страна на сообраќајна патрола е запрено возило Фиат Добло со регустерски ознаки СК-422-ВЦ сопственост на СДСМ во кое имало акрилни бои кои биле користени за време на денешната вандалска сеанса пред “Порта Македонија“.

Како што неофицијално дознава Press24 од полициски извори возачот што го управувал возилото почнал да се повикува дека е од СДСМ и дека ќе било лошо откако странците ќе дознаеле дека е повикан во полиција.

На помош веднаш била повикана патрола од мобилната единица Алфа при што приведено е лицето Павиќ Новица (54) од Скопје кој е спроведен во полициска станица на разговор.

Нашите извори велат дека Новица одбивал да разговара во полиција и го повикал партискиот адвокат Мирослав Вуиќ кој не дозволил да се изврши претрес во возилото се додека полицијата не обезбеди налог од надлежниот обвинител, процедура која е во тек во моментов.

Со доаѓањето на Вуиќ од СДСМ околу 21:15 испратиле и стотина партиски активисти пред полициската станица Кисела Вода за да вршат притисоци и да се конфронтираат со полицијата.

Со вечерашната акција се потврди дека нема ниту “Г” од граѓанство во насилните протести со кои бес осквернавени бројни спомен обележја. Веќе нема дилема кој ги организира катапултите како дел од украинското сценарио и кој ги снабдува со бои хулиганите што дивеат на улиците. По објавувањето на списоците на платениците на Сорос не постојат ниту дилеми околу финансиската конструкција, односно кој ги плаќа најагресивните хулигани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.