Управата за хидрометеоролошки работи (УХМР) информира дека денеска и утре биометеоролошките услови ќе бидат лоши и оти временските прилики ќе влијаат врз метеоропатите.
Во пладневните часови денеска, според УХМР, кај поголем број луѓе можна е појава на главоболка, но и болки во колената, грбот и на вратот. Во вечерните часови можно е поголем број луѓе да почувствуваат општа слабост, а кај некои, пак, ќе се појави и чувство на тежина во главата.
Во ноќните часови болките кои се од ревматски карактер, но и оние кои се од артритични промени ќе се поупорни.
Утре попладне, како што стои во соопштението од УХМР, биометеоролошките услови ќе бидат особено лоши. Во претпладневните часови се очекува честа појава на главоболка, болки во колената, на грбот и вратни болки. Во попладневните часови се очекува честа појава на општа слабост, а кај некои пак ќе се појави и чувство на тежина во главата. Во вечерните часови болките кои се од ревматски карактер, но и оние кои се од артритични промени ќе се подолготрајни, стои во информацијата од УХМР.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
