50 000 денари се украдени од бензиската пумпа „Твинс Петрол“ во Куманово. Грабежот се случил утрово околу 02,15 часот кога три непознати лица, маскирани и вооружени, едниот со пиштол, а другите двајца со автоматски пушки извршиле разбојништво над три вработени. Покрај парите одзеле и 10 штеки цигари „Малборо“.
Разбојништвото, соопшти денеска МВР, сторителите го извршиле на тој начин што откако влегле во бензиската пумпа со закана со огненото оружје ги одзеле парите и цигарите, по што заминале во правец на кумановското село Черкези.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
