Шестмина повредени во сообраќајка кај Тетово, меѓу нив и 6-годишно девојче

Вчера во 13.45 часот на локалниот пат за с.Фалише – Тетово, се случила сообраќајна незгода помеѓу возило „форд“ со тетовски регистарски ознаки, управувано од 17-годишно лице од Тетово и „опел вектра“, управувано од З.Б.(34) од с.Стрименица – Тетово.

Во незгодата возачот на „опел вектра“ и сопатничката Р.Б.(38) задобиле тешки телесни повреди и по укажаната лекарска помош во тетовската клиничка болница, пренесени се на скопските клиники.

Со тешки телесни повреди, поточно скршеница на рамо, се здобило и 6-годишно девојче од истото возило , но задржано е во тетовската болница за натамошно лекување.

За натамошно лекување во тетовската болница задржани се уште три сопатници од истото возило на возраст од 30, 32 и 37 години кои се здобиле со телесни повреди.

Увид на местото на настанот извршила екипа од ПС за БПС-Тетово.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.