Повеќе од 1.100 мигранти се спасени покрај брегот на Италија

Вкупно 1.153 мигранти се спасени вчера во водите меѓу италијанскиот остров Сицилија и Северна Африка, соопшти италијанската крајбрежна стража.

Италијански, ирски и германски бродови, како и спасувачки чамци на организациите „Лекари без граници“ и „СОС Медитеране“, извршиле 11 одделни спасувачки операции.

Според податоците на Меѓународната организација за миграција (ИОМ) од почетокот на годинава во Италија пристигнале околу 31.500 мигранти. Со подобрување на временските услови мигрантскиот бран се зајакнува. ИОМ наведува дека од 5 до 12 мај пристигнале над 2.600 лица, што е 68 отсто повеќе отколку во претходните седум дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.