Младината на ВМРО-ДПМНЕ обои 300 фабрики и 3000 работни места што ги ветуваше Заев – на хартија!

Наместо да ги боиме реализираните проекти, предлагаме да ги обоиме неисполнетите ветувања порачаа младите од ВМРО ДПМНЕ од Струмица.

Во индустриската зона ,,Сачево“ членовите на Унијата на млади сили на ВМРО-ДПМНЕ од градоначалникот на Струмица Зоран Заев ги побараа најавените 300 фабрики и 3000 вработувања притоа симболично поставувајќи транспарент со нацртана фабрика кој според нив бил споменикот на сите неисполнети ветувања на струмичкиот градоначалник и лидер на СДСМ.

Денес младите од Струмица ги бараат трите илјади работни места што градоначалникот на Струмица и лидер на СДСМ ги вети во индустриските зони на минатите локални избори. Овој споменик кој денес симболично го поставивме на неизградената индустриска зона „Сачево“ е споменик на сите неисполнети ветувања на Зоран Заев. Реализацијата на ветувањата е таа што ја прави разликата помеѓу ВМРО-ДПМНЕ и СДСМ, рече Панче Стојков од УМС на ВМРО-ДПМНЕ – Струмица.

Mладите од ВМРО ДПМНЕ велат дека Струмица во времето на СДСМ била стопански опустошена и економски уништена општина, стотина стопански субјекти биле уништени, а илјадници граѓани оставени без работа. Според нив приватизацијата за некого била симболот на личното богатење, а за сите останати времето на социјалната пропаст.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.