Потпретседателката на ЕП: Не сум непријател на Србија, но признавањето на Косово е услов за влез во ЕУ

Потпретседателката на Европскиот парламент и известувач за Косово Улрике Луначек изјави за Танјуг дека не е непријател на Србија, но сигурна е дека Србија нема да влезе во ЕУ без да го признае Косово и тоа не поради тоа што таа така тврди, туку поради искуството кое ЕУ го има со Кипар.

Луначек е една од ретките високо рангирани политичари во ЕУ која за сега директно инсистира на тоа дека признавањето на Косово е услов за Србија. Таа вели дека по ова прашање е само еден глас кој доаѓа од ЕУ но и дека е меѓу најважните.

Луначек нагласила дека ЕУ во блиската историја одобрила влез на Кипар „земја која нема јасно дефинирани граници поради окупацијата на Турција“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.