Вонредна состојба и за време на Европското првенство и Тур де Франс

Францускиот Парламент денеска го поддржа предлогот за продолжување на вонредната состојба, воведена по терористичкиот напад во ноември минатата година, со цел оваа мерка да биде во сила и за време на Европското првенство во фудбал и велосипедската трка Тур де Франс.

Горниот дом на Парламентот ја продолжи одлуката за вонредна состојба со големо мнозинство од гласовите, бидејќи за тој предлог гласаа 209 пратеници, а само 30 беа „против“ и тоа претежно од комунистичките и еколошките партии.

Вонредната состојба е воведена по терористичките напади на 13 ноември во Париз, во кои загинаа 130 лица, а веќе беше продолжена во февруари и требаше да трае до 26 мај.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.