ВО ЦЕНТАР: На западните моќници им се потребни слаби влади кои работат на копче како марионети

На западните моќници во нашиот регион им се потребни слаби влади во слаби земји кои ќе го прават тоа што ќе им се каже. Каде и да се појави силна влада, каде и да се појави силен премиер, или влада која владее . Нив им треба влада која не владее. Им требаат влади кои работат на копче, на конец, како кукли марионети. Нив не им одговара ситуација во која Груевски или Иванов одлучуваат во Скопје што ќе се случи во Македонија и не им одговара ситуација во која Вучиќ навистина одлучува што ќе се случува во Србија. Тие сакаат за тоа да се одлучува во Брисел, Вашингтон, Берлин… Ние тоа го имавме во Србија. Ја имавме владата на Тадиќ која така функционираше, вели уредникот на српски Информер Драган Вучичевиќ во емисијата ВО ЦЕНТАР посветена на обоените револуции на Балканот.

Вучичевиќ, кој важи за најмоќна медумска фигура на политичката сцена во Србија, предупредува дека „некои сакаат во Србија да го наметнат принципот според кој не е важно за кого граѓаните гласале, туку е важно што некој некаде замислил дека некој треба да владее со Србија“.

• Како што некој негде замислил дека некои луѓе треба да владеат во Македонија спротивно на вољата на граѓаните на Македонија, таква идеја имаат и во Србија, вели Вучичевиќ.

Авторот на емисијата ВО ЦЕНТАР Васко Ефтов потсетува дека веднаш по изборите во Србија на 24 април, српскиот премиер Александар Вучиќ предупреди дека нема да дозволи македонско сценарио во Србија:

Секој обид за дестабилизација на Србија, секој обид да се прави во Србија настаните од Македонија, од Украина или од каде било, тоа во Србија нема да помине. Не може да помине и нема да дозволиме да се случи, изјави во таа прилика Вучиќ.

Ефтов потенцира дека ова е прв политичар од висок ранг во регионот кој говори дека во Македонија се случува организирано сценарио за дестабилизација на државата и дека тоа сценарио подоцна може да биде искористено како модел ширум Балканот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.