Многу лекари барајќи подобри примања станаа нова генерација на гастарбајтери па во Хрватска, според медиумите има недостиг од 900 до дури 4.000, пренесува хрватски „Пословни дневник“.
Поради тоа не изненадува одлуката на Владата за квоти за увоз на лекари. За 2016 година се бараат пет со специјалистичко образование, пет општи лекари, како и пет за дентална медицина. Според кој рецепт 15 странци со диплома лекари ќе ја спасат катастрофалната состојба со кадрите во здравството, тој рецепт за жал и понатаму останува непознат.
Меѓутоа, листата на одобрените квоти открива низа (не)логични детали наспроти големиот бран на иселување на млади Хрвати.
Дека никој, наспроти повеќе од 200.000 невработени, не сакаат да бидат овчари, веќе долго се шпекулира дека Владата одобри и 20 дозволи и за увоз за овчари.
Исто така, одобрени се и 15 сезонски дозволи за увоз на работници кои ќе работат на плантажи за јаболки и винови лози, но и 35 масери за специјални видови на масажи.
Хрватска се одлучи да увезе и 24 пилоти, но и 10 стјуардеси како и 14 балерини, три оперски пејачи, како и по еден солист на опера и диригент. Одобрени се и 10 дозволи за туристички аниматори.
Бидејќи одлуката на Владата стапува во сила од денот на донесувањето тоа значи дека веќе во МВР веќе можат да се предадат барања.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
