Загина млад скопјанец во сообраќајка кај Битола-Ресен

Едно лице загина, а петмина се повредени во сообраќајната несреќа што се случи вчера наутро околу 06.30 часот на магистралниот пат Битола-Ресен. До несреќата дошло кога В.Ј. (26) од Скопје, управувајќи патничко моторно возило „фиат стило“ со гостиварски регистарски ознаки, загубил контрола над возилото, удрил во заштитните еластични огради од левата и од десната страна и излетал од коловозот.

Од здобиените повреди В.Ј. починал на местото на настанот, додека сопатниците Д.К. (24) и В.М. (26) од Скопје, М.Т. (26) и М.З. (21) од Битола и С.Д. (21) од Гостивар, се здобиле со телесни повреди. По укажаната медицинска помош во ЈЗУ Ресен, тие се префрлени во битолската болница.

Увид на местото на настанот извршиле јавен обвинител и екипа од ПС-Ресен. По наредба на јавен обвинител телото на починатиот е предадено на обдукција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.