За првомајскиот протест во Истанбул подготвени 25.000 полицајци

Речиси 25.000 припадници на турските полициски сили се распоредени во Истанбул, а голем број улици во градот се затворени за движење поради денешното одбележување на 1 Мај, што е вообичаена можност за судири меѓу демонстранти и полицијата.

Канцеларијата на градоначалникот на Истанбул соопшти дека „со цел да се гарантира безбедноста на граѓаните“ за првомајскиот празник, на должност во градот ќе бидат 24.500 припадници на турските безбедносни сили.

Метро станицата на главниот плоштад Таксим ќе биде целосно затворена, а долж улиците се поставени метални огради, а распоредени се и десетици полицајци во опрема за разбивање на протести.

Плоштадот Таксим е место на судири за време на Меѓународниот ден на трудот откако на 1 мај 1977 година беа убиени десетина луѓе во време кога модерна Турција минуваше низ еден од своите најтурбулентни периоди.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.