Ужас во Прилеп: Со месеци користел семејни прилики за сексуално да малтретира малолетно дете

Основното јавно обвинителство – Прилеп поведе постапка против едно лице, на возраст од 70 години за сторено кривично дело „полов напад врз дете“ кое не наполнило 14 години.

– Постапувајќи по кривична пријава поднесена од МВР ПС Прилеп, Основното јавно обвинителство – Прилеп поведе постапка против едно лице, на возраст од 70 години за сторено кривично дело „полов напад врз дете“ од чл.188 ст.1 од Кривичниот законик, затоа што на точно неутврдени датуми во повеќе наврати, од почетокот на 2016 година па до почетокот на месец април 2016 година, заради задоволување на полови страсти, а искористувајќи блиски семејни прилики, извршил полови дејствија врз дете кое не наполнило 14 години, се наведува во соопштението од Јавното обвинителство на РМ.

Против осомничениот надлежниот јавен обвинител, како што се додава во соопштението, поднел предлог за определување мерка притвор до судијата на претходна постапка при Основниот суд во Прилеп.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.