Опозицискиот лидер Зоран Заев не побара да се поништи и аболицијата за „Глобал“ во случајот тежок 8 милиони евра. Исто така, и главните осомничени во случајот „Пуч“ Зоран Верушевски и Звонко Костовски не поднеле барање за прекин на аболицијата.
Зоран Заев веќе неколку дена молчи за барањето на ВМРО-ДПМНЕ да побара и поништување на аболицијата за „Глобал“ и да ги врати украдените 8 милиони евра. „Аболицијата дадена од претседателот Црвенковски нема да ја коментирам во јавноста. Tоа е негово уставно и законско право“ рече помилуваниот Заев во 2008 година кога благодарение на Црвенковски се спаси од затвор.
-Криминалецот Зоран Заев мора да побара писмено укинување и на срамната аболиција со која избега од одговорност во случајот „Глобал“, да ги врати 8-те милиони евра и да се соочи со заслужената казна – побараа од ВМРО-ДПМНЕ.
Во 2008 година тогашниот претседател Бранко Црвенковски го ослободи градоначалникот на Струмица и сегашен актуелен лидер на СДСМ Зоран Заев за случајот „Глобал“, кој требаше да одговара за криминал тежок 8 милиони евра. Тогаш Заев не се противеше на одлуката на Црвенковски и аболицијата ја прослави во своето родно место низ солзи радосници.
Случајот „Глобал“
Во 2008 година беше обелоденет случајот по што беше приведен Заев со неколку негови блиски соработници. Приведувањето беше по претходно поднесена кривична пријава од страна на Одделот за Организиран криминал до Јавно Обвинителство-Одделение за сторени кривични дела „злоупотреба на службената положба и овластување“ и „помагање“ во врска со истото дело.
Злоупотребата ја извршиле така што прво спровеле јавен тендер за избор на соинвеститор за градење на Трговски деловен центар на локација на поранешниот градски пазар во Струмица, спротивно на Законот за јавни набавки.Тие не ги регулирале имотно правните односи на предметното земјиште, што е спротивно на Законот за градба и Законот за просторно и урбанистичко планирање. Земјиштето на кое е изграден трговскиот центар е во сопственост на Македонија, а корисници се повеќе правни и физички лица. Истовремено пак за земјиштето се во тек постапки за денационализација.
На осомничениот Крстев управител на “Де Лукс Инженеринг“ ДОО Струмица-соинвеститор на општина Струмица, му било овозможено да го добие тендерот за градење на објектот,и со тоа да се стекне со имотна корист од околу 8 милиони евра. Оваа вредност е неколку пати помала од користа, која би се добила кога деловниот објект со површина од околу 38.162 метри квадратни, во целост би се продал по празарна вредност.
На 1 февруари 2006 година, првопријавениот Заев донел предлог одлука за Реконструкција и надградба на Градско пазараште во Струмица, по што на 07февруари следната година, до Бирото за Јавни набавки бил доставен План за јавни набавки на општина Струмица за 2006 година и Дополнение на Планот за јавни набавки. Во документите свесно не било наведена планираната јавна набавка за Реконструкција и надградба на Градско пазараште во Струмица, затоа што согласно Законот за јавни набавки, Бирото за јавни набавки проверува дали доставениот план за јавни набавки е во согласност со законот, го следи и анализира спроведувањето на законите и другите прописи за јавни набавки. Советот на општината донел одлука за реконструкција и надградба на пазарот.
Верушевски и Костовски за „Пуч“ не поднеле барање за прекин на аболицијата
Ниту првоосомничениот во случајот „Пуч“ Зоран Верушевски, ниту неговиот агент Звонко Костовски не поднеле барање до претседателот Ѓорге Иванов за прекин на аболицијата. Верушевски е осомничен дека заедно со неколкумина од УБК обезбедувале прислушувани материјали кои завршувале кај странски служби и кај Заев.
За еден од обвинетите Звонко Костовски, процесот заврши со спогодба – тој ја призна вината и се согласил на тригодишна затворска казна но беше ослободен веднаш по аболицијата на претседателот Иванов.
Звонко Костовски кој на 25-ти февруари минатата година доби затворска казна од 3 години за незаконско прислушување и шпионажа признал на кој начин соработувал со странските служби, како Верушевски ги координирал осомничените, кој бил мета на незаконско следење по налог на поранешниот разузнавач.
Во пресудата која медиумите ја добија користејќи го правото на слободен пристап до информации стои дека дека делата на вработениот во МВР кој беше осуден започнале во 2010.
Преку вториот вработен во МВР тој стапил во контакт со Зоран Верушевски и по негов налог ги злоупотребил техничките капацитети на МВР внесувајќи телефонски броеви на повеќе политичари и други јавни личности. Од пресудата може да се видат иницијалите на дел од прислушуваните . Меѓу нив може да се препознаат првите букви од имињата на премиерот Груевски, министерката Јаснкулоска, шефот на УБК Мијалков, како и други иницијали кои се индикативни како БЦ на Бранко Црвемнкосвки и РШ на Радмила Шекеринска.
Потоа снимените разговори осудениот му ги давал на колегата од МВР кој пак му ги предавал на верушевски. Крајната дестинација биле странските тајни служби.
– Прибавените содржини од следените комуникации обвинетиот З. ги предавал на обвинетиот Ѓ.Л. кој му ги предавал на обвинетиот З.В., ,со намера да тој ги соопшти и предаде на странска држава, организација и лице кое им служи, со што обвинетите Ѓ.Л. и З. К. ,на обвинетиот З.В., за паричен надоместок му ставиле средства за располагање за извршување на кривичното дело, и со тоа со умисла му помогналe на обвинетиот З.В., во извршување на кривичното дело Шпионажа од чл.316 од КЗ., стои во судската пресуда.
Костовски доби 3 години затвор преку спогодба со јавното обвинбителство која потоа била верификувана од судија на претходна постапка во скопскиот кривичен суд.
Медиумите тогаш пишуваа дела со ова се докажува тврдењето дека зад прислушувањето стои странска држава која ги ангажирала осомничените предводени од верушевски. За соработката на екс разузнавачот со лидерот на СДСМ пак во јавноста протече писмо во кое се договоараат деталите за така наречениот ПУЧ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
