Во Виена мора да се одговори дали Договорот од Пржино се уште постои, ако не постои кој го прекршува и зошто неговите гаранти, меѓународната заедница, не врши притисок врз страната која го прекршува договорот, смета политичкиот аналитичар и новинар Васко Ефтов анализирајќи ги последните случувања во пресрет на лидерската средба закажана за в петок во Виена.
Стратешка грешка во целиот договор кој што требаше да стави крај на политилчката криза е што наместо СДСМ меѓународната заедница треба да го покани Сорос на преговарачка маса, бидејќи очигледно е дека тие ги кројат политиките на опозицијата, вели тој за Канал 5.
Последните истражувања на јавното мислење, вели Ефтов, покажуваат дека ВМРО ДПМНЕ има предност од околу 170 илјади гласа во однос на СДСМ и според него изборите ќе се пролонгираат, а со тоа и политичката криза се додека таа разлика не се преполови.
Политичките аналитичари сметаат дека државата не доби ништо и од претходното одложување на изборите од 24- ти април на 5-јуни. Туку спротивно, државата се внесува во се’ подлабока криза со секојдневни протести на кои се случува насилство, вандализам, оштетување на објекти и имот.
Познавачите сметаат дека ново одложување на изборите ќе значи и зголемување и продолжување на хулиганството и вандализмот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
