Рашфорд: Млад сум, давам голови, но тоа не ми гарантира никаков договор

Фантастичниот млад фудбалер на Манчестер јунајтед, Маркус Рашфорд, оваа сезона игра брилијантно во дресот на „ѓаволите“. Тој нечекувано доби можност од менаџерот Луј ван Гал, и ја искористи на најдобар можен начин. Меѓутоа, сепак, не е сигурен за неговата иднина на „Олд трафорд“.

– И покрај моите настапи за Манчестер јунајтед, се уште не сум сигурен дали ќе добијам некаков договор. Многу денови поминав размислувајќи, и сега сфаќам дека не сум во добра позиција. Постигнатите голови, големата минутажа во дресот на првиот тим, се е тоа убаво. Но, јас се уште немам договор, и никој не ме контактирал во врска со тоа – истакна Рашфорд.

18 – годишниот Англичанец оваа сезона за тимот на Луј ван Гал одигра вкупно 11 натпревари во сите конкуренции, и постигна шест погодоци. Се најавува можност тој да добие договор од Манчестер јунајтед, но и веднаш да биде испратен на позајмица во италијанскиот калчолигаш Фиорентина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.