Доделени традиционалните годишни награди на СОКОМ

Сојузот на композитори на Македонија ги објави добитниците на традиционалните годишни награди.

Наградата „Панче Пешев“, највисокото професионално признание кое го доделува СОКОМ на музички творци и музички писатели со цел да се истакнат најзначајните музички достигнувања во областа на музичкото творештво и музикологијата, го доби композиторот Стојан Стојков за оперското дело “Змеова невеста“ , по либрето на авторот, на текст на Димитар Молеров, изведено на 7 февруари 2015 година со солистите и ансамблите на Македонската опера и балет под диригентсво на маестро Саша Николовски – Ѓумар.

Наградата “Георги Божиков“ која СОКОМ ја доделува на музички уметници и ансамбли за најуспешна јавна изведба на дела од македонски композитори, во текот на една година, за 2015 година, се доделува на диригентот Бисера Чадловска за континуирана изведба на дела од македонски композитори во 2015 година.

Наградите на добитниците ке бидат врачени на завршниот концерт на “Денови на македонска музика“ со Македонската филхармонија, на 14 април (четврток) во 20 часот во концертаната сала на Дом на АРМ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.