Претставено словенечкото издание на „Балкански мегаетникум“ на Димитар Мирчев

Во рамки на посетата на словенечкиот претседател Борут Пахор на Република Македонија, денеска во Кабинетот на македонскиот Претседател беше претставено словенечкото издание на книгата „Балканскиот мегаетникум. Националните доктрини на македонските соседи“ на професорот Димитар Мирчев.

Книгата е објавена од Универзитетот во Љубљана и е прво македонско дело со општествено-научен карактер објавено во Словенија. Претходно, книгата беше објавена и на англиски јазик во Торонто, Канада и на српски јазик во Белград, Србија.

Во книгата се говори за надворешната политика на балканските земји преку осврт кон националните доктрини на соседите кон Македонија во последните две-три децении и нивното инструментализирање во реалните политики на државите на Балканот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.